У Магілёве гарэў недабудаваны інфекцыйны корпус лякарні

• 1.02.2023, 19:55

У выніку пажару пашкоджаная маёмасць.

Корпус УАЗ «Магілёўская лякарня №1», які будуецца, загарэўся ўначы 1 лютага, паведамілі ў прэс-службе МНС.

Інфармацыя пра пажар у неэксплуатаваным жалезабетонным будынку інфекцыйнага корпуса ў Магілёве па вуліцы Паўлава паступіла ратавальнікам у 03.46. Супрацоўнікі МНС ліквідавалі загаранне.

У выніку пажару пашкоджаная маёмасць, закуранае памяшканне кабінета. Пацярпелых няма. Прычына загарання высвятляецца.

Нагадаем, новы інфекцыйны корпус пачалі ўзводзіць у ліпені 2021 года. Ён будзе прымеркаваны на 192 ложка-месцы. У новым 6-павярховым будынку будзе сканцэнтраваная ўся інфекцыйная служба горада – як дзіцячая, так і дарослая.

Раней паведамлялася, што аб'ект планавалі ўвесці ў эксплуатацыю да канца 2022 года, «як толькі яго змогуць забяспечыць медыцынскім абсталяваннем».