Былы прэм'ер Кітая Лі Кэцян памёр ад сардэчнага прыступу

• 27.10.2023, 9:55

Яму было 68 гадоў.

Былы прэм'ер Дзяржсавета Кітая Лі Кэцян памёр ад сардэчнага прыступу на адпачынку ў Шанхаі. Яму было 68 гадоў.

Як паведаміла «Синьхуа», 26 кастрычніка ў яго адбыўся сардэчны прыступ, медыкі спрабавалі яго выратаваць, але ён памёр.

Лі Кэцян узначальваў урад Кітая з 2013 да 2023 года. Ён пакінуў пасаду ў сакавіку гэтага года. За некалькі месяцаў да гэтага, у кастрычніку 2022 года, Лі Кэцян не ўвайшоў у новы склад ЦК Кампартыі Кітая.