«Пераможцаў не судзяць»: Буданаў расказаў пра ўласныя баявыя выхады

• 21.10.2023, 10:23

Кіраўнік ГУВ асабіста ўдзельнічаў у аперацыях на лініі фронту.

Кіраўнік Галоўнай управы выведкі Міністэрства абароны Украіны Кірыла Буданаў патлумачыў, навошта асабіста ездзіць на лінію фронту. На ягоную думку, такія візіты ўзнімаюць дух байцоў.

Што да баявых выхадаў, паводле слоў Буданава, галоўным крытэрам іх мэтазгоднасці з'яўляецца станоўчы вынік. Пра гэта кіраўнік вайсковай выведкі расказаў у фільме Дзмітрыя Камарова. «Год. Харкаўшчына. Частка 4».

У размове з журналістам Буданаў пацвердзіў, што не раз за час поўнамаштабнага ўварвання Расеі ездзіў на лінію фронту і ўдзельнічаў у пэўных баявых аперацыях. Паводле ягоных слоў, ён робіць гэта, каб узняць дух украінскіх ваяроў.

«Часам яна (прысутнасць — Рэдакцыя) абавязкова. Бо ўсе мы людзі. І ўсім часам бывае страшна. Часам знаходжу варыянты, як гэта зрабіць (падбадзёрыць байцоў — Рэдакцыя)», — адзначыў кіраўнік украінскай выведкі.

Пытанне аб апраўданасці рызыкі, бо калі з ім што-небудзь здарыцца і пасярод вайны выведка застанецца без кіраўніка, Буданаў назваў "рытарычным".

«Што раней з’явілася: яйка або курыца? Гэта кудысьці ў такім жа кірунку», — падаў ён уласную аналогію да пытання Камарова.

Са словах Буданава, крытэр для вызначэння мэтазгоднасці ягонага асабовага ўдзелу ў баявых аперацыях адзін: калі здалелі дасягнуць станоўчых вынікаў — усё было зроблена правільна. Адсутнасць такога выніку сведчыць аб дапушчаных памылках.

"Пераможцаў не судзяць — даўняя мудрасць, але яна слушная", — дадаў кіраўнік вайсковай выведкі.