На паўночнай дзялянцы Аўдзееўскага выступу расейцы страцілі не менш як 63 адзінкі тэхнікі

• 18.10.2023, 19:47

Фота.

Тэлеграм-канал вайсковай аналітыкі Deep State апублікаваў інфармацыю аб маштабных стратах расейцаў на паўднёвым фасе Аўдзееўскага выступу.

У паведамленні адзначаецца: «Прааналізаваўшы змены на спадарожнікавых здымках, была зафіксаваная страта больш чым шасці дзясяткаў адзінак тэхнікі. Практычна ўся тэхніка была знішчаная пад Краснагораўкай (А) і на пад'ездзе да населенага пункта. Як сказаў бы класік, ілюстрацыя да справаздач ГШ.

Гэтыя здымкі паказваюць усю «паспяховасць» дзеянняў ворага, якая ў асноўным прысутнічала ў іх інфармацыйнай прасторы. На полі бою, нягледзячы на перавагу па ўсіх пунктах, кацапы саступілі ў баі. Вядома, складана ацаніць страты ворага ў жывой сіле. Толькі на гэтым адцінку колькасць загінулых кацапаў вымяраецца сотнямі.

Але ёсць і непрыемныя навіны. Гэтая атака – чарговы довад недзеяздольнасці тактыкі браняваных кулакоў, калі адзін з бакоў канцэнтруе тэхніку і за кошт перавагі ў ёй спрабуе дабіцца поспеху на полі бою. Нашы разбітыя калоны каля Малой Такмачкі, Вярбовага, Рабоціна, Старамаёрскага, Наваданецкага і Раўнопаля, а таксама разбітыя калоны супраціўніка ля Вуглядара, Наваягораўкі, Макееўкі, Андрэеўкі, Мар'інкі, а цяпер яшчэ і Краснагораўкі (А) і Вадзянога-Першамайскага, з'яўляюцца лішнім довадам гэтай тэзы.

Гэта ўсё - следства росту рэзультатыўнасці ўзаемадзеяння аэравыведкі і артылерыі. Тыя самыя танныя «мавікі» ўраўноўваюць магчымасці абодвух бакоў. І пакуль няма тэхналогіі, здольнай даць перавагу. Мэта нашага ВПК - знайсці ключ да перамогі, інакш гісторыя будзе проста бесперапынна паўтарацца».