УСУ ўклініліся ў абарону расейцаў пад Бахмутам
- 18.10.2023, 17:14
Украінскія байцы кантралююць дзве ключавыя дарогі.
Вайсковец 93-й АМБр УСУ «Халодны Яр» Андрэй Бабічаў з Бахмуцкага кірунку адзначыў, што ворагу давядзецца выйсці з Курдзюмаўкі.
Аб гэтым ён сказаў у эфіры тэлеканала «Эспрэса».
«На Бахмуцкім кірунку працягваюцца пяхотныя баі. Менавіта пяхота ваюе на адрэзку ад Кляшчыеўкі да Курдзюмаўкі. Цяжкая тэхніка не выкарыстоўваецца з абодвух бакоў. Калі тэхніка пападае ў прыцэл артылерыі, то яна адразу знішчаецца. Сілы абароны добра прасунуліся на поўнач ад Курдзюмаўкі. УСУ ўжо кантралююць дзве асноўныя дарогі, якія вядуць да Курдзюмаўкі з паўночнага і паўднёвага боку. Ворагу ўжо значна складаней падвозіць туды боепрыпасы і абнаўляць асабовы склад. Ворагу давядзецца выйсці з Курдзюмаўкі», - падкрэсліў Бабічаў.
Вайсковец 93-й АМБр «Халодны Яр» таксама дадаў, што УСУ маюць прасоўванне на адрэзку ад Андрэеўкі і Кляшчыеўкі.
«Мы ўжо ўклінаваліся ў абарону ворага, да найбліжэйшай трасы засталося крыху больш за 2 км. Але вораг не збіраецца адыходзіць. Акупанты ўгрызаюцца ў кожную лесапаласу, і рыюць сабе норы. Артылерыяй цяжка іх адтуль даставаць. Уся надзея на нашу пяхоту, якая штурмуе гэтыя лесапалосы», - заўважыў Бабічаў.