Што атрымае Пуцін ад Кітая: два галоўныя пытанні

• 18.10.2023, 16:54

Аналіз палітолага.

Расейскі прэзідэнт Пуцін знаходзіцца з візітам у Кітаі. Неафіцыйна ідуць размовы аб тым, што пасля Пекіна дыктатар можа наведаць Карэйскую народна-дэмакратычную рэспубліку і сустрэнецца там з іншым дыктатарам Кім Чэн Ынам. Якія пытанні Пуцін разглядае з Сі Цзіньпінам і навошта яму візіт у КНДР - «Апострафу» распавёў журналіст і палітолаг Аляксандр Марозаў.

Пуцін удзельнічае ў кітайскай канферэнцыі «Адзін пояс - адзін шлях». Гэта канферэнцыя, у якой бяруць удзел прадстаўнікі 110 краін, і Пуцін толькі адзін з іх. Там ёсць не менш уплывовыя палітыкі з розных краін.

Але пасля Пуцін і Лаўроў могуць правесці сустрэчу ў КНДР - гэта цалкам магчыма. Думаю, што Пуціну нават гэта спадабаецца, бо гэта будзе даволі дзёрзкай нахабнай дэманстрацыяй таго, што «ўсё, што вы мне прыпісваеце, што я вось са змрочнымі і дзікімі рэжымамі ў сяброўстве. Дык, вось я тут, калі ласка, у Пхеньяне!» Гэта магчыма.

Што тычыцца сустрэчы з Сі - гэта дастаткова афіцыйная сустрэча, падчас якой Пуцін мог гаварыць і аб лагістыцы газу, нафты і металаў у Кітай, і аб пашырэнні вайсковага супрацоўніцтва. Так, вайсковае супрацоўніцтва паміж Расеяй і Кітаем ужо ёсць. Але Пуцін прыехаў у Пекін, маючы на руках паперы з канкрэтнымі прапановамі па пашырэнні вайсковага супрацоўніцтва. Я ў гэтым не сумняваюся.

Пры гэтым трэба сказаць, што Пуцін у дрэнным становішчы з пункту гледжання кіраўніцтва Кітая. Таму што вайна з Украінай знішчыла шэраг праектаў, у тым ліку і лагістычных, і транспартных калідораў, на якія Кітай, несумненна, разлічваў. Гэта транспартныя калідоры ў Еўропу, якія праходзілі праз РФ, а цяпер пад пытаннем.

Ці ставіць Кітай пытанне аб вайне? Была заява, у тым ліку Еўразвязу, і Барэль - кіраўнік замежнапалітычнага ведамства ЕЗ - падкрэсліў, што «мы чакаем, мы хацелі б, каб Кітай заняў больш пэўную пазіцыю ў дачыненні да расейскай агрэсіі ва Украіне». Несумненна, што ведамства Блінкена па сваіх дыпламатычных каналах таксама імкнецца даць зразумець, што пазіцыя Кітая, калі б яна змянілася - была б на славу ўсяго свету. Паглядзім, што будзе пасля гэтага вялікага форума ў Кітаі. У кожным выпадку, Пуцін будзе дэманстраваць свайму насельніцтву «вялікі поспех дыпламатыі».

Ці будуць яшчэ тэрытарыяльныя саступкі Кітаю? Гаворка ідзе пра эпізод, калі Пуцін перадаў ва Усурыйскім краі фрагмент тэрыторыі, які для Расеі не ўяўляў вялікай цікавасці, дэманструючы пры гэтым добры жэст Масквы. Але гэта было да 2014 года, да анэксіі Крыма, калі Крэмль увогуле і цэлым знаходзіўся ў рэжыме спрыяльных стасункаў з навакольным светам.

Такія жэсты ў Пуціна бывалі, але яны заўсёды для яго абарочваліся тым, што ён уважаў сябе ашуканым у чаканнях. Гэта такі жэст, які меркаваў, што мы яго зрабілі і Кітай нешта сустрэчнае такое зробіць незвычайнае для нас і гэтак далей. Гэтага не адбылося.

Кітай, уласна, як рухаўся, так і рухаецца ва ўласнай канцэпцыі транспартных калідораў, пасоўванні сваіх тавараў. І мы добра бачым гісторыю расейска-кітайскіх стасункаў. Кітаю падарыць востраў на рацэ або падарыць яму палову Усурыйскага краю - ён не зменіць сваёй замежнапалітычнай і глабальнай стратэгіі. Але Пуцін, вядома, цяпер нічога дарыць не будзе.