УСУ на Таўрыйскім кірунку збілі яшчэ адзін самалёт акупантаў
- 18.10.2023, 16:38
«Дэмілітарызацыя» варожай вайсковай авіяцыі працягваецца.
На Таўрыйскім кірунку Сілы абароны Украіны прызямлілі яшчэ адзін варожы самалёт. Размова ідзе аб расейскім Су-25.
Як піша obozrevatel.com, пра гэта паведаміў спікер аператыўнага камандавання «Поўдзень» палкоўнік Уладзіслаў Назараў. Гэты штурмавік стаў не першым самалётам, які Расея страціла за апошні тыдзень.
«Ёсць збіццё яшчэ аднаго самалёта акупантаў Су-25 на Таўрыйскім кірунку», – адзначыў ён.
Відавочна, гэтая «птушка» стала ўжо чацвёртай, якую ўдалося збіць украінскім воінам за апошнія дні. У панядзелак, 16 кастрычніка, камандуючы АСВУ «Таўрыя» брыгадны генерал Аляксандр Тарнаўскі расказваў пра тры знішчаныя на кірунку самалёты УС РФ.
«Ваяры АСВУ «Таўрыя» ў Данецкай вобласці за тыдзень знішчылі ўжо тры варожыя штурмавікі Су-25», - канстатаваў Тарнаўскі.
Нагадаем, у ранішняй аператыўнай справаздачы 18 кастрычніка Генштаб паведаміў, што УСУ за дзень знішчылі 620 акупантаў, шэсць верталётаў і самалёт РФ.