Андрэй Пянткоўскі: Пуцін рыхтуе расейцаў да капітуляцыі РФ
- 30.01.2023, 17:53
Вядомы журналіст расказаў пра перадумовы да адступлення расейцаў.
Публіцыст Андрэй Пянткоўскі распавёў у інтэрв'ю УНІАН пра перадумовы да адступлення войскаў РФ з тэрыторыі Украіны.
Вядомы журналіст пагадзіўся са здагадкай суразмоўніцы аб тым, што Пуцін можа ў кожны момант згарнуць «адмысловую ваенную аперацыю» ва Украіне, абвясціўшы пройгрыш перамогай. Сіл і сродкаў падтрымліваць інтэнсіўныя баявыя дзеянні ніякіх магчымасцяў няма, пра што кіраўніку Крамля могуць паведаміць ягоныя генералы. Адзінае, што яму застаецца, - падрыхтаваць расейцаў да капітуляцыі Расейскай Федэрацыі ў вайне з Украінай.
Расейскі сацыёлаг у адказ на пачутае паведаміў: «Гэта не толькі Пуцін. Я вам прывяду яшчэ прыклад больш яскравы і ўражальны. Я не ведаю, ці заўважыла яго ўкраінская аўдыторыя. У мяне дзве працы на перамогу Украіны: я як бы ваш карэспандэнт у Вашынгтоне, але я яшчэ краем вока назіраю за расейскімі прапагандысцкімі каналамі».
Затым Андрэй Пянткоўскі падзяліўся інфармацыяй: «Вы ведаеце, вось перад «Рамштайнам», адразу ж пасля Давоса, калі ўсе выходзілі на трыбуну і проста казалі, клянемся да перамогі Украіны, там пачалася паніка, і вось спусцілі новы лозунг. Я вам зараз яго працытую. Я чуў двойчы яго ў розных варыянтах, як ён выконваўся: «Расея - вялікая дзяржава. Яна не можа пацярпець паражэнне. Нават калі мы змагаючыся з блокам з пяцідзесяці дзяржаў NATO, узброеных да зубоў, на якіх працуе ўся сусветная індустрыя, адступім на межы 1991 года, усё адно гэта будзе наша вялікая перамога. Мы сціснемся як спружына і будзем ненавідзець Захад і ўкраінскіх бандэраўцаў яшчэ больш». Вы ж разумееце, як рэальнасць прымушае, змяняе свядомасць і ў бункеры, і на Лубянцы».