У Беларусі забаранілі прадаваць расейскія цукеркі

• 30.01.2023, 14:47

Яны небяспечныя для дзяцей.

У Беларусі забаранілі прадаваць небяспечнае расейскае дражэ, паведамляе Дзяржстандарт.

У арганізацыі ўдакладнілі, што гаворка ідзе аб дражэ з вітамінам С «Сонечныя россыпы» са смакам цытрыны. Яно вырабляецца ў горадзе Ішыме Цюменскай вобласці. У выніку праведзеных даследаванняў у складзе дражэ выявілі сінтэтычны фарбавальнік тартразін (Е102) у колькасці 115,7 мг/кг. Ён уплывае на актыўнасць, а таксама ўвагу дзяцей.

У Дзяржстандарце звярнулі ўвагу на тое, што ў маркіроўцы вытворца ўказаў фарбавальнік куркумін, які з'яўляецца натуральным дадаткам. Акрамя таго, у маркіроўцы прадукцыі адсутнічаў надпіс аб тым, што дражэ «змяшчае фарбавальнік, які можа мець адмоўны ўплыў на актыўнасць і ўвагу дзяцей». Дзіцячае дражэ забаронена ўвозіць і рэалізоўваць у Беларусі з 31 студзеня гэтага года.

Як пісаў сайт Charter97.org, у Беларусі забаранілі прадаваць «Савецкі» сланечнікавы алей.