Лукашэнка ў дваццацісекундным роліку двойчы абразіў мусульман
- 29.01.2023, 13:49
Дыктатар парушыў правілы знаходжання ў Аб'яднаных Арабскіх Эміратах.
Аляксандр Лукашэнка, які знаходзіцца з «візітам» у Аб'яднаных Арабскіх Эміратах, разам з набліжаным бізнэсоўцам Сяргеем Цяцерыным і шпіцам Умкай адзначыў перамогу беларускай тэнісісткі Арыны Сабаленкі на турніры Australian Open. Відэа іх застолля апублікавалі прапагандысты з прэс-службы дыктатара.
У роліку Аляксандр Лукашэнка і Сяргей Цяцерын, седзячы за сталом, на якім ляжаў шпіц Умка, паднялі чаркі і чокнуліся.
Тым самым Лукашэнка двойчы абразіў мусульман, піша udf. Па-першае, публічнае выпіванне спіртных напояў у ААЭ катэгарычна забароненае, па-другое, у ісламе сабака лічыцца нячыстай жывёлай у ісламе. І знаходжанне любімага гадаванца Лукашэнкі на стале можна расцэньваць як яшчэ адну абразу боку, які прымае.