У Ерусаліме другі раз за дзень адбылася стральба

• 28.01.2023, 13:28

Ёсць пацярпелыя.

У Ерусаліме другі раз за дзень учынілі страляніну. 13-гадовы стралок быў «нейтралізаваны».

Пра гэта паведамляе Times of Israel.

У выніку стральбы раненні атрымалі два чалавекі.

Паводле звестак праваахоўнікаў, агонь адкрыў 13-гадовы падлетак з Усходняга Ерусаліма, якога звалі Мухамед Аліят.

Ахвярамі стральбы сталі бацька і сын, якія былі валанцёрамі службы хуткай дапамогі. Пасля медыцынскай дапамогі на месцы, яны былі шпіталізаваныя ў гарадскі медцэнтр.

У шпіталі заявілі, што 20-гадовы хлопец і 59-гадовы мужчына знаходзяцца ў цяжкім, аднак стабільным стане.

Як паведамляў сайт Charter97.org, у той самы дзень паблізу ад сінагогі мужчына пачаў страляць у натоўп, у выніку чаго загінулі сем чалавек.