На Гомельшчыне рыхтуюцца адсяляць людзей праз паводку

• 25.01.2023, 14:12

Узровень вады ў Сожы перавысіў небяспечную адзнаку.

Улады Гомельшчыны рыхтуюцца да адсялення людзей з небяспечных зон. Падрабязней аб сітуацыі з паводкамі і гатоўнасці службаў да магчымых НС паведаміў старшыня Гомельскага гарвыканкама Уладзімір Прывалаў у сацсетках.

Са слоў Прывалава, на 24 студзеня ўзровень вады ў Сожы перавысіў чатыры метры, у межах Гомеля вада ў рацэ вырасла да 445 сантыметраў. Пры гэтым гарадскія ўлады называюць сітуацыю кантраляванай, але адзначылі неабходнасць дапрацовак у плане захадаў і гатоўнасці да адсялення гамельчукоў.

- Трэба дапрацаваць асобныя дэталі дарожных мапаў для надзвычайных сітуацый: па рассяленні людзей, прадстаўленні тэхнікі, адказнасці спецыялістаў па электрычнасці і газу, - напісаў Прывалаў.