На Мазырскім НПЗ зноў здарыўся пажар

• 23.01.2023, 11:26

Гарэла ўстаноўка, пабудаваная расейскім падрадчыкам.

На новай устаноўцы гідракрэкінгу цяжкіх нафтавых парэшткаў на Мазырскім НПЗ здарыўся пажар.

На ўстаноўцы цяпер праводзяцца пусканаладачныя работы.

Як паведамляецца ў справаздачы МНС, сёння а 3:32 паступіла паведамленне аб выхадзе вадародазмяшчальнага газу і дызельнай фракцыі з наступным факельным гарэннем на секцыі-200 устаноўкі. Пажар ліквідаваны, ніхто не пацярпеў, тэхналагічны працэс не быў парушаны. Работнікі МНС ахалоджвалі тэхналагічныя канструкцыі з мэтай іх аховы.

Як пісаў сайт Charter97.org, 19 студзеня на ўстаноўцы ўжо здарыўся пажар.