Самалёт Ryanair, які ляцеў з Польшчы ў Атэны, паведаміў аб бомбе на борце

• 22.01.2023, 19:23

(Абноўлена) Судна здзейсніла экстранную пасадку.

Экіпаж самалёта ірландскай авіякампаніі Ryanair, які ляціць з Польшчы, паведаміў аб бомбе, якая знаходзіцца на борце.

У суправаджэнні грэцкіх знішчальнікаў F-16 судна здзейсніла пасадку ў атэнскім міжнародным аэрапорце, паведамляе грэцкі тэлеканал EPT-1.

У паветраным порце падрыхтавалі спецыяльную зону, куды лайнер адвялі пасля пасадкі. Туды ж накіравалі спецпадраздзяленні паліцыі.

Гаворка ідзе пра Boeing 738 Ryanair. На борце судна, як піша Rzeczpospolita, знаходзілася 190 чалавек.