Лукашэнка: Я стаяў ля вытокаў штучнага інтэлекту ў ААЭ

• 20.01.2023, 19:03

Дыктатар выдаў чарговую порцыю трызнення.

Аляксандр Лукашэнка расказаў пра адно са сваіх шматлікіх прыдуманых дасягненняў. Высветлілася, што ён «стаяў ля вытокаў» развіцця сферы штучнага інтэлекту ў ААЭ. Пра гэта Лукашэнка прызнаўся на выставе «Беларусь інтэлектуальная».

«Як ні дзіўна, я стаяў ля вытокаў працы эміратцаў у штучным інтэлекце. Кітайскія там навукоўцы, яны іх сабралі, грошы далі, яны сур'ёзна працавалі. І яны мяне прасілі, каб я дапамог ім працаваць у Беларусі. Гасподзь з вамі, прыязджайце», – заявіў Лукашэнка.

Ён прапанаваў свае сувязі ў Эміратах для развіцця штучнага інтэлекту ў Беларусі. «Я буду сустракацца з чалавекам, які гэтым займаецца і фінансуе», – паабяцаў Лукашэнка.