Мінабароны Брытаніі паказала свежую мапу баёў ва Украіне
- 10.01.2023, 17:23
Якая сітуацыя на франтах?
На ўсходзе Украіны працягваюцца разлютаваныя баі. Расейцы спрабуюць прарваць пазіцыі ўкраінскіх сіл на некалькіх кірунках. Пра гэта паведамляе РБК-Украіна са спасылкай на мапу, апублікаваную ў Twitter Мінабароны Брытаніі.
Паводле звестак брытанскай выведкі, акупацыйныя войскі працягваюць спробы наступаў у Луганскай і Данецкай абласцях, а менавіта - пад Сватавым, Крамянной, Салядарам і Бахмутам.
Каля апошніх двух населеных пунктаў працягваюцца цяжкія баі. Аднак, нягледзячы на намаганні ворага, Узброеныя сілы Украіны трымаюць пазіцыі і не даюць акупантам рушыць наперад бліжэй да гарадоў.
Што да іншых кірункаў, то там ідуць артылерыйскія дуэлі і адпрацоўка па тылавых пазіцыях абодвух бакоў. Пры гэтым удары ўкраінцаў па тыле ворага больш эфектыўныя і дакладныя.