Крама ОМА ў Жодзіне абвясціла аб закрыцці
- 10.01.2023, 16:17
Яна была адной з самых папулярных будаўнічых крам у горадзе.
З 1 студзеня ў Жодзіне не працуе крама ОМА. У кол-цэнтры гандлёвай сеткі журналісту «Зеркала» як фізічнай асобе пацвердзілі інфармацыю аб тым, што гандлёвы аб'ект закрыты на тэхнічныя прычыны. Нагадаем, летась са складу акцыянераў ОМА выйшла літоўская кампанія «Kesko Senukai».
Крама ОМА была адной з самых папулярных сярод будаўнічых у горадзе. На сайце гандлёвай сеткі ОМА інфармацыі аб закрыцці крамы няма, па-ранейшаму пазначаны гадзіны яе працы і тэлефон. Зрэшты, на званок ніхто не адказвае, выклік перамыкаецца на факс.
У кол-цэнтры ОМА паведамілі, што крама ў Жодзіне - гэта іх партнёр, ён працуе па сістэме франчайзінгу. Цяпер гандлёвы пункт закрыты на тэхнічныя прычыны.
- Калі крама адкрыецца, невядома, гэта я вам сказаць не магу. Інфармацыя пра гэта з'явіцца на нашым сайце, - паведаміла аператарка кол-цэнтра.
Спецыялістка адзначыла, што размовы аб поўным закрыцці крамы ОМА ў Жодзіне, як і ў іншых гарадах, не вядзецца.
Нагадаем, у траўні мінулага года фінска-літоўская кампанія «Kesko Senukai» прыпыніла дзейнасць у Беларусі і выйшла са складу акцыянераў гандлёвай сеткі краіны ОМА. Усе гандлёвыя дачыненні з беларускай сеткай былі спыненыя яшчэ ў красавіку. Акрамя таго, кампанія прыпыніла закупы расейскіх і беларускіх тавараў. Прычына такой пастановы - расейскае ўварванне ва Украіну.