УСУ распавялі, што за расейскае судна было знішчанае ля вострава Белагрудага

• 10.01.2023, 14:31

Як выявілася, гэта быў катэр.

Сілы абароны таўрычнага кірунку знішчылі расейскі катэр на Дняпры.

Пра гэта распавёў кіраўнік аб'яднанага прэс-цэнтра Сіл абароны таўрычнага кірунку палкоўнік Яўген Ерын у каментары «Украінскай праўдзе».

«Гэта адбылося на Дняпры ля вострава Белагрудага, паражэнне ажыццёўленае артылерыйскімі сродкамі», – сказаў ён.

Белагрудая выспа знаходзіцца ў дэльце Дняпра, недалёка ад Голай Прыстані.

Аб ліквідацыі катэра акупантаў гаварылася ў ранішняй справаздачы Генштаба УСУ, аднак без падрабязнасцяў.