МЗС Балгарыі заклікала сваіх грамадзянаў тэрмінова пакінуць Расею

• 27.09.2022, 21:38

Установа патлумачыла гэта «ўскладненай абстаноўкай».

Міністэрства замежных справаў Балгарыі папрасіла сваіх грамадзянаў пакінуць Расею. Ім рэкамендавалі «разгледзець магчымасць выезду ў найкарацейшыя тэрміны». Установа патлумачыла гэта «ўскладненай абстаноўкай».

Тым, хто застаецца, параілі «выяўляць падвышаную пільнасць, унікаць месцаў масавага збору людзей і ўважліва адсочваць развіццё сітуацыі». Пры неабходнасці балгараў просяць звязацца з амбасадай у Маскве і генеральным консульствам у Санкт-Пецярбургу.

Таксама МЗС Балгарыі заклікала грамадзянаў устрымацца ад паездак у Расею.