Байцы УСУ ліквідавалі расейскага палкоўніка і трох лейтэнантаў

• 27.09.2022, 14:58

Сваіх афіцэраў у РФ «прыкапалі па-ціхаму».

Украінскія ваяры ліквідавалі «расейскага палкоўніка, а таксама трох лейтэнантаў расейскіх акупацыйных войскаў.

Пра гэта паведаміў афіцэр УСУ Анатоль Штэфан на сваім канале ў Telegram. Так, быў ліквідаваны на фронце расейскі палкоўнік Андрэй Брызгалін.

«Палкоўнік Андрэй Брызгалін паспяхова правёў аперацыю згортвання і арганізаванай перакідкі з мэтай нарошчвання намаганняў на іншым кірунку», - з сарказмам адзначыў Штэфан.

Пры гэтым украінскі афіцэр удакладніў, што палкоўніка акупантаў «прыкапалі па-ціхаму».

Сярод тых, хто ўжо не будзе ваяваць супраць УСУ, бо атрымаў квіток да Кабзона, таксама:

лейтэнант Яўген Нагуськін,

старшы лейтэнант Іван Калішэнка,

старшы лейтэнант Алег Ташматаў.