Гнаны алігарх Гуцырыеў спыніў дабрачыннасць у Беларусі
- 27.09.2022, 11:41
Сябар Лукашэнкі максімальна дыстанцуецца ад нашай краіны.
Як высветліў Office Life, у Беларусі спыніў працу і ліквідаваны Мясцовы дабрачынны фонд "Сафмар". Ягоным заснавальнікам з 2018 года з'яўляўся расейскі Дабрачынны фонд "Сафмар", які трапіў пад санкцыі расейскага алігарха, сябра Лукашэнкі Міхаіла Гуцырыева.
У сярэдзіне верасня арганізацыя, якая была зарэгістраваная ў аграгарадку Шаршуны, была выкрасленая з адзінага дзяржрэгістра суб'ектаў гаспадарання Беларусі.
Як і мацярынская структура, беларускі фонд займаўся падтрымкай праектаў у адукацыі, спорце, ахове здароўя. У 2020 годзе, напрыклад, ён прафінансаваў будаўніцтва праваслаўнага храма ў аграгарадку Новая Гута ў Гомельскім раёне. На той момант у штаце арганізацыі працавалі тры чалавекі.