Ва Украіне затрымалі ўладальніка кампаніі, якая прадавала беларускую сельгастэхніку

• 26.09.2022, 20:51

Тэхніку прадавалі праз афшоры.

Нацпаліцыя Украіны затрымала 61-гадовага ўласніка кампаніі, якая ў парушэнне забароны на імпарт купляла і прадавала сельскагаспадарчую тэхніку з Беларусі і Расеі праз афшоры.

На месцы пражывання затрыманага і на пляцоўках захоўвання тэхнікі прайшлі ператрусы. На маёмасць, у тым ліку на банкаўскія рахункі, на якіх знаходзілася блізу 3 млн даляраў, 18 зямельных надзелаў, нежылыя памяшканні, дамы, кватэры, больш за 1 000 адзінак сельгастэхнікі, накладзены арышт, паведамляе Нацпаліцыя Украіны.

Распачатая крымінальная справа паводле артыкула аб фінансаванні дзеянняў, учыненых з мэтай гвалтоўнай змены або зрынання канстытуцыйнага ладу або захопу дзяржаўнай улады, змены межаў тэрыторыі або дзяржаўнай мяжы Украіны.