У Беларусі падаражэюць цыгарэты

• 26.09.2022, 20:38

З 1 кастрычніка.

У Беларусі з 1 кастрычніка 2022 года падаражэе вельмі шмат марак цыгарэт. Як зменіцца цана цыгарэт, паведамілі ў Міністэрстве падаткаў і збораў.

Так, з 1 кастрычніка даражэюць блізу 237 марак цыгарэт, якія прадаюцца ў Беларусі. Цану цыгарэт узнімаюць: тытунёвая фабрыка «Нёман» - на 78 марак, ТАА «Тытунь-інвест» - на 96 найменняў, кампанія «Інтэр Табака» - 46 марак, і яшчэ 17 найменняў цыгарэт падаражэюць у «Беларусьгандлю».

Цыгарэты падаражэюць у дыяпазоне ад 5 да 60 капеек за пачак. Збольшага рост цаны цыгарэт з 1 кастрычніка складзе 10 і 20 капеек.

Удакладняецца, што не падаражэюць маркі, якія імпартуе СЗАТ "Энэрга-Ойл". А яшчэ паведамляецца, што на «Тытунь-інвест» пачнуць вырабляць новыя для іх найменні цыгарэт (падаецца цана):

- Kent Switch – 5 беларускіх рублёў;

- Kent Crystal Blue – 3,95 рубля;

– Rothmans of London Blue – 3,85 рубля;

- Rothmans of London Silver – 3,85 рубля;

- Vogue La Cigarette Lilas – 5,30 рубля;

- Vogue La Cigarette Menthe - 5,30 рубля.