У акупаваным Крыме раздаліся гучныя выбухі

• 26.09.2022, 18:24

Выбухі прагучалі ў сяле Луганскае, пасёлку Гурзуф і Сімферопалі.

Сёння, 26 верасня, у часова акупаваным Крыме чуваць гучныя выбухі.

Пра гэта паведамляе РБК-Украіна са спасылкай на мясцовыя Telegram-каналы.

Адзначаецца, што магутныя выбухі прагрымелі ў розных месцах. Мясцовыя паведамляюць пра магчымыя выбухі і магчымую працу СПА ў Ялце, сяле Луганскае, пасёлку Гурзуф і Сімферопалі.

Ні афіцыйныя крыніцы, ні акупацыйныя ўлады пакуль ніяк не пракаментавалі сітуацыю.