Украіна атрымала сістэмы NASAMS

• 25.09.2022, 20:01

Пра гэта паведаміў прэзідэнт Украіны.

Украіна атрымала ад Злучаных Штатаў зенітна-ракетныя комплексы NASAMS. Але для закрыцця паветранай прасторы ад расейскіх ракет іх усё яшчэ недастаткова.

Аб гэтым заявіў прэзідэнт Украіны Уладзімір Зяленскі, паведамляе CBS.

«Я хачу падзякаваць прэзідэнту ЗША Джо Байдэну і Кангрэсу за тое, што мы атрымалі NASAMS. Гэта сістэмы супрацьпаветранай абароны. Але, паверце мне, гэтага нават блізка недастаткова», - падкрэсліў прэзідэнт Украіны.

NASAMS – гэта перасоўны зенітна-ракетны комплекс, прызначаны для барацьбы з ракетамі, самалётамі і іншымі паветранымі цэлямі на малых і сярэдніх вышынях.