У Бярдзянску і Мелітопалі амаль адначасова прагрымелі магутныя выбухі
- 25.09.2022, 13:16
Падарваны аўтамабіль каля будынка акупацыйнай «адміністрацыі».
У нядзелю, 25 верасня, у Бярдзянску і Мелітопалі амаль адначасова раздаліся выбухі.
Пра гэта паведамляе «Бердянск Сейчас».
«У Бярдзянску і Мелітопалі амаль адначасова раздаліся выбухі. У Бярдзянску гукі выбуху раздаваліся з цэнтра горада», - гаворыцца ў паведамленні.
Паводле інфармацыі РІА «Мелитополь», у Бярдзянску ўзарвалі аўтамабіль каля мэрыі.
«Рашысцкія СМІ пацвярджаюць выбухі каля будынку выканкаму і публікуюць фота ачаплення месца выбуху. Мясцовыя сцвярджаюць, што ўзарваўся аўтамабіль. Дым ідзе дагэтуль. Усе дарогі перакрытыя, рух транспарту вакол будынка закрыты», - дадаюць у «Бердянске Сейчас».