У менскім ГЦ «Дана Мол» абрынуўся ліфт з падлеткамі

• 24.09.2022, 19:45

Ёсць пацярпелыя.

У менскім гандлёвым цэнтры «Дана Мол» з вышыні другога паверха ўпаў перагружаны ліфт з людзьмі. У кабіне было амаль 20 чалавек — падлеткі, якія прыйшлі на сустрэчу з ціктокеркай Міланай Хаметавай, паведамляе «Еўрарадыё».

На здарэнне выехалі адна рэанімацыйная і чатыры лінейныя брыгады хуткай медыцынскай дапамогі, паведамляюць у Міністэрстве аховы здароўя. Падлеткаў, якія знаходзіліся ў кабіне, аглядаюць медыкі. Тым, каму гэта было неабходна, аказваецца дапамога.

Мілана Хаметава — 12-гадовая цікток-блогерка спявачка і мадэль. Наведвальнікі, якія прыйшлі на сустрэчу з ёй, шчыльна запоўнілі цэнтральны хол і ўсе тры паверхі ГЦ.