Захад замарозіў расейскія актывы на $500 мільярдаў

• 24.09.2022, 10:30

Грошы могуць пайсці на аднаўленне Украіны.

Заходнія краіны ўвогуле замарозілі актывы РФ на суму 500 млрд даляраў. Украіна лабіюе прыняцце міжнароднага пагаднення аб канфіскацыі гэтых актываў для аднаўлення Украіны.

Пра гэта заявіў прэм'ер -міністр Украіны Дзяніс Шмыгаль на брыфінгу, паведамляе nv.ua.

Паводле ягоных слоў, аднаўленне Украіны каштавацьме сотні мільярдаў, і гэтыя грошы павінны заплаціць не ўкраінскія падаткаплацельшчыкі або краіны-партнёры, а вінаватыя ў трагедыі.

"Агрэсар павінен заплаціць сваю плату, а яго сродкі стаць асноўным рэсурсам для нашага маштабнага аднаўлення", – адзначыў кіраўнік украінскага ўрада.