П'яная кампанія збіла музыкаў у пераходзе менскага метро за адмову сыграць песню
- 8.08.2022, 18:22
Падчас бойкі адзін з тых, хто нападаў, пагражаў нажом.
У пачатку жніўня пад вечар трое раней асуджаных п'яных менчукоў убачылі ў пераходзе метро вулічных музыкаў і замовілі ім песню. Калі тыя адмовіліся граць, нецвярозая кампанія ўчыніла бойку, паведамляе прэс-служба Следчага камітэта.
Як расказалі ў СК, трое падпітых менчукоў апынуліся ў пераходзе сталічнага метро і звярнулі ўвагу на чатырох вулічных музыкаў, сярод якіх была 14-гадовая дзяўчына.
Яны запатрабавалі сыграць для іх песню, а калі падлетак адмовілася, адрэагавалі агрэсіўна. Астатнія музыкі паспяшаліся на дапамогу, і тады кампанія распачала бойку, збіўшы дзяўчыну і хлопца. Падчас бойкі адзін з тых, хто нападаў, пагражаў нажом.
Распачатая крымінальная справа паводле ч. 3 арт. 339 КК (Асабліва злоснае хуліганства).
Асобы тых, хто нападаў, атрымалася вызначыць. Высветлілася, што ўсе трое раней ужо былі асуджаныя. Аднаго з іх узялі пад варту, яму абвешчаныя абвінавачанні. Цяпер праваахоўнікі высвятляюць, дзе знаходзяцца двое астатніх.