УСУ зноўку пацэлілі ў Кахоўскі мост, які акупанты толькі што аднавілі

• 19.08.2022, 14:28

Наступным можа стаць Антонаўскі.

Дарадца старшыні Херсонскай АВА адзначыў, што чакае «адкрыцця» Антонаўскага моста, якое абяцаюць захопнікі.

На Херсоншчыне ўкраінскія вайскоўцы патрапілі ў Кахоўскі мост, які расейскія акупанты толькі што аднавілі.

Пра гэта дарадца старшыні Херсонскай абласной ваеннай адміністрацыі Сяргей Хлань напісаў на сваёй старонцы ў Facebook.

З ягоных слоў, аператыўнае камандаванне «Пивдень» афіцыйна пацвердзіла, што УСУ разбурылі планы акупантаў адрамантаваць і выкарыстоўваць Кахоўскі мост.

«Чакаем «адкрыцця» Антонаўскага, пра які нам расказваюць расейцы», - адзначыў ён.