Байцы УСУ ліквідавалі «добраахвотніка»-акупанта з прозвішчам Шалуноў

• 18.08.2022, 14:50

Захопніка падстрэлілі ў пасёлку Вясёлым.

Байцы УСУ ў пасёлку Вясёлым (Запарожская вобласць) ліквідавалі расейскага акупанта Сяргея Шалунова, які быў родам з Ленінградскай вобласці краіны-агрэсара, Расеі. Пра гэта ў Facebook паведаміў вядомы блогер-расследавальнік і валанцёр InformNapalm Іраклі Камахідзэ.

Шалуноў пайшоў на вайну «добраахвотнікам» і падпісаў кароткатэрміновую дамову з расейскім войскам. Неўзабаве атрымаў прызначэнне ў адну з мотастралковых частак.

Са слоў Камахідзэ, ліквідаваны акупант Шалуноў быў, імаверна, яшчэ ў пачатку лета - апошняя яго актыўнасць у сацсетцы «ВКонтакте» зафіксаваная 5 чэрвеня.

«Допіс не дзеля некралогу, акцэнт на фота са жмурам 10-гадовай даўніны, усе - габітусы, стыль адзення, «дэкарацыі» гавораць аб тым, што Расія так і завісла ў 90-х», - адзначыў спецыяліст.