У камендатуры акупантаў у Мелітопалі прагрымеў магутны выбух

• 17.08.2022, 12:00

Інфармацыя пра страты ворага ўдакладняецца.

У сераду, 17 жніўня, у захопленым расейцамі Мелітопалі адбыўся чарговы выбух.

Пра гэта заявіў мэр Мелітопаля Іван Фёдараў.

«Моцны выбух прагрымеў ля логава ворага ў цэнтры Мелітопаля. Тут, нагадаю, размешчаная адна з камендатураў акупантаў. Чакаем падрабязнасці», – расказаў ён.

Як паведамлялася, у акупаваным Мелітопалі раніцай 16 жніўня прагрымелі адразу два выбухі. Пасля гэтага спынілася вяшчанне эфірнай тэлевізіі, захопленай расейскімі вайскоўцамі.