«Паміж дэманстрацыямі «Лебядзінага возера» паведамяць, што Пуцін здзейсніў шэраг сур'ёзных памылак»

• 16.08.2022, 9:44

Кіраўнік Крамля ўжо змагаецца не за геапалітычныя мэты, а за сваё жыццё.

Цяпер прэзідэнт РФ Уладзімір Пуцін ужо змагаецца не за геапалітычныя мэты і знішчэнне Украіны, а за сваё жыццё. Расейскае войска паказала, што не здольнае дасягнуць першапачаткова пастаўленых мэт.

Такое меркаванне выказаў расейскі публіцыст і апазіцыйны палітык Андрэй Пянткоўскі ў эфіры 24 канала.

На ягоную думку, Пуцін імкнецца да спынення агню, каб спыніць контрнаступ УСУ і прадухіліць вызваленне Херсона, якое прывядзе да палітычнай катастрофы ў Расеі.

«І на наступную раніцу паміж дэманстрацыямі «Лебядзінага возера» давядзецца паведаміць, што таварыш Пуцін здзейсніў шэраг сур'ёзных памылак ва «ўкраінскім пытанні» і з прычыны здароўя больш не здольны выконваць абавязкі прэзідэнта Расеі», – прагназуе Пянткоўскі.