«Гарнітур і аўто ўзяў у бацькі»

• 15.08.2022, 16:00

Што за хлопец прадае аўтамабіль у TikTok.

Маладзёна, які зняў вірусны ролік пра «як куля рэзкае» аўто з «перадавымі сістэмамі бяспекі» ў выглядзе абразоў, клічуць Яраслаў. Яму 15 гадоў, ён з Гомеля, расказвае праект «1906».

Як высветлілася, хлопец не збіраецца прадаваць «Аўдзі» свайго бацьку. Ён узяў аўто і гарнітур у яго ў якасці рэквізіту, каб зняць TikTok.

Яраслаў зрабіў пародыю на вядомага ціктокера Аляксея Іванова. Той здымае ролікі, у якіх незвычайна прадае іншамаркі. Вось і хлопец пастанавіў зрабіць такое відэа толькі ў беларускіх рэаліях.

Яраславу падабаюцца аўтамабілі, у будучыні ён марыць набыць сабе «Аўдзі» RS6.

Таксама днямі беларус выпусціў ролікі, у якіх ён прадае самаробны ровар і трактар. Там з'яўляюцца новыя рэквізіты – дзелавая валізка, якую хлопец знайшоў дома на шафе, і сонечныя акуляры, якія былі модныя ў нулявых.

«Тут усталяваная сістэма педалявання магутнасцю адна чалавечая сіла», – расхвальвае ён «спорткар» – самаробны ровар з прыкручанай скотчам калонкай.

Сам крэатыўнік не чакаў, што яго ролік стане вірусным. Цяпер Яраслаў будзе прадаўжаць здымаць TikTok.