У порце акупаванага Бярдзянска прагрымеў магутны выбух

• 14.08.2022, 17:28

У небе над горадам узняўся чорны і густы дым.

У апошні час на часова захопленых украінскіх тэрыторыях у акупацыйных уладаў адны праблемы. Чарговыя непрыемнасці нагналі іх у Бярдзянску Запарожскай вобласці, піша unian.net.

Аб чарговым выбуху ў горадзе паведамілі мясцовыя тэлеграм-каналы, паводле інфармацыі жыхароў. З іх слоў, ён здарыўся на тэрыторыі мясцовага порта.

Яны таксама расказалі, што ў небе над горадам узняўся чорны і густы дым. Цяпер падрабязнасці ўдакладняюцца.

Найбольш імаверна, што гэта наступствы ўдару нашых вайскоўцаў. Рашысты часта абсталёўваюць базы або склады боепрыпасаў на захопленых прамысловых аб'ектах.