Байцоў палка Каліноўскага рыхтуе інструктар з 20-гадовым досведам службы ў спецпадраздзяленні ARAS

• 14.08.2022, 13:02

Аповед спецыяліста па мінна-падрыўной справе з пазыўным «Дзед».

Байцоў палка імя Кастуся Каліноўскага рыхтуе ўнікальны інструктар мінна-падрыўной справы з пазыўным «Дзед» і велізарным досведам службы ў спецвойсках.

«Дваццаць гадоў службы ў спецпадраздзяленні ў барацьбе з тэрарызмам ARAS. Дзесяць - у тэхнічнай разведцы памежных войскаў. Уяўляеце, які ўнікальны досвед перадае інструктар з такім паслужным спісам байцам палка Каліноўскага? На занятках па мінна-падрыўной справе «Дзед» заўсёды паўтарае навабранцам: «Галоўнае - не спяшацца і ніколі не недаацэньваць суперніка», - паведамляе прэс-служба палка.

А колькі жыццяў ратуюць уменні «Дзеда» на лініі фронту, дзе зямля проста нашпігаваная мінамі, снарадамі, расцяжкамі! «Працы шмат. Страшна, не страшна, але калі ёсць задача - яе трэба выконваць», - кажа «Дзед», адпраўляючыся на перадавую.