Як палкоўнік Базанаў падвёў Лукашэнку

• 13.08.2022, 12:24

Нацыянальная зборная апынулася на мяжы вылету ў самы слабы дывізіён.

За тры з паловай гады на чале федэрацыя футболу Уладзімір Базанаў знішчыў тое, што ў Беларусі некалі называлася футболам. Клубы апусціліся на апошняе, 55-е, месца ў еўракубкавым рэйтынгу сезону.

Зборная не выйшла на чэмпіянат Еўропы праз стыкавыя матчы Лігі Нацый, а сёння рызыкуе вылецець з яе дывізіёна С у самы слабы дывізіён D. Чэмпіянат таксама дэградаваў. Усё таму, што былы дэпутат парламента разам з памочнікамі паставіў ідэалогію вышэй за спорт. Тым жа, хто ішоў насуперак, палкоўнік артылерыі ламаў кар'еры, перакрываючы магчымасць працаваць і нават жыць на радзіме.

«Наша Ніва» расказвае пра чалавека, які адбіў у жыхароў краіны любоў да гульні нумар адзін.