Украінскія ваяры збілі чатыры варожыя беспілотнікі і штурмавік Су-25

• 13.08.2022, 12:00

Акупантам нанеслі сур'ёзныя страты на ўсходнім напрамку.

Узброеныя сілы Украіны нанеслі акупантам страты на ўсходнім напрамку.

Пра гэта паведамляе Генштаб УСУ.

Вядома, што за мінулы дзень войскі супрацьпаветранай абароны Сухапутных войскаў УСУ на ўсходзе Украіны знішчылі 5 паветраных цэляў. У небе падбітыя 4 расейскія беспілотнікі тыпу «Арлан-10», адзін з іх – уначы. Таксама падбіты варожы штурмавік Су-25.

Раней падраздзяленні супрацьпаветранай абароны аператыўна-стратэгічнай групоўкі войскаў «Хорціца» ліквідавалі паветраную цэль. Імі быў збіты варожы БПЛА «Арлан-10», які акупанты планавалі выкарыстоўваць для выведкі пазіцый украінскіх сілаў.