У акупаванай Новай Кахоўцы раздаюцца выбухі паблізу ад ГЭС
- 12.08.2022, 16:15
Ля важнага для расейцаў Кахоўскага моста заўважылі клубы дыму.
У пятніцу, 12 жніўня, у акупаванай Новай Кахоўцы ў Херсонскай вобласці ля гідраэлектрастанцыі прагучалі выбухі. Адпаведнае відэа апублікаваў Telegram-канал УСУ, піша apostrophe.ua.
Паведамляецца, што ля Кахоўскага моста бачныя клубы дыму.
Украінскі вайсковы экспэрт Аляксандр Мусіенка адзначыў, што прыярытэтнай задачай украінскага войска з'яўляецца разбурэнне лагістыкі ворага, каб у акупантаў не было магчымасці назапашваць свае сілы, боепрыпасы і зброю на правабярэжжы Херсоншчыны. У выніку расейцы будуць змушаныя адступіць праз немагчымасць супраціву.
Біць па мосце неабходна далікатна, каб не пашкодзіць дамбу і Кахоўскую ГЭС, якія знаходзяцца заблізка.