Defence-blog: У Зябраўцы падарваны расейскі шматцэлевы радар кіравання агнём

• 11.08.2022, 17:11

Прылада ўзарваная ў выніку магутнага выбуху.

На вайсковым аэрадроме ў Зябраўцы пад Гомелем быў падарваны расейскі шматцэлевы радар кіравання агнём, піша defence-blog.com. Выданне спасылаецца на крыніцу, знаёмую з выведзвесткамі.

Паведамляецца, што гэта радар кіравання агнём і паразы 92N6, вядомы ў NATO як Grave Stone. Ён нібыта быў узарваны ў выніку магутнага выбуху.

Аб выбуху каля Зябраўкі ў ноч на 11 жніўня паведамлялі многія Telegram-каналы і СМІ. З гэтай авіябазы расейскія войскі часта наносяць удар па Украіне. Там размяшчаецца шмат расейскай вайсковай тэхнікі і самалётаў.