Пад Ваўкавыскам школьнік скраў у цырка генератар
- 7.07.2022, 15:57
Прапажу заўважылі не адразу.
Перасовачны цырк размясціўся на пляцоўцы на вуліцы Будаўнікоў у гарадскім пасёлку Краснасельскім Ваўкавыскага раёна. Для паляпшэння электразабеспячэння ў творчага калектыву ёсць генератары, якія выстаўляюцца па перыметры.
Дарагую тэхніку бачыў мясцовы 16-гадовы школьнік. Блізу 4 раніцы, калі ўсе артысты спалі, а генератар быў заглушаны, юнак пайшоў «на справу». Ён спрытна адключыў правады і панёс прыладу коштам 1700 рублёў.
Прапажу цырк заўважыў толькі бліжэй да абеду, яго прадстаўнікі звярнуліся ў міліцыю. Супрацоўнікі Ваўкавыскага РАУС аператыўна ўстанавілі асобу зламысніка, у дачыненні да адзінаццацікласніка за крадзеж распачатая крымінальная справа.