На сцягу Украіны, усталяваным на выспе Змяінай, ёсць пасланне расейскаму караблю

• 7.07.2022, 12:14

УСУ цалкам зачысцілі выспу ад акупантаў.

На сцягу Украіны, устаноўленым на выспе Змяіны, ёсць пасланне расейскаму караблю.

Пра гэта паведаміў прэс-сакратар начальніка Адэскай абласной ваеннай адміністрацыі Сяргей Братчук у Telegram.

Ён таксама размясціў фота, на якім начальнік АВА Максім Марчанка і супрацоўнікі прэс-службы адміністрацыі наносяць на жоўта-блакітнае палотнішча адпаведны надпіс.

«Дзяржаўны сцяг Украіны, усталяваны на в. Змяінай (пасёлак Белае Ізмаільскага раёна Адэскай вобласці). На сцягу тэкст: «Помні, расейскі ваенны карабель», востраў Змяіны - гэта Украіна!». І подпіс начальніка Адэскай АВА Максіма Марчанка», - напісаў Братчук.