Данілаў: Украіна можа перамагчы Расею да канца года

• 5.07.2022, 21:33

Сакратар РНБА Украіны назваў умову.

Украіна здольная перамагчы ў вайне з Расеяй да канца года, але для гэтага павінны сысціся некалькі чыннікаў.

Пра гэта ў інтэрв'ю для "Апостраф TV" расказаў сакратар РНБА Аляксей Данілаў.

"Нам вельмі б хацелася, каб гэта адбылося, але для гэтага павінны быць пэўныя чыннікі. Калі колькасць і якасць зброі, якую даюць нам партнёры, калі адкрыецца лэнд-ліз і іншыя магчымасці для падтрымкі нашай краіны, то такое заданне можна выканаць. Калі гэтага не будзе, мы разумеем, што будзе вельмі складана, але мы будзем працягваць барацьбу за незалежнасць", - адзначыў ён.

Ён таксама падкрэсліў, што перамогай у вайне будзе вяртанне дзяржаўных межаў да стану на 1991 год.