Беларускія лыжнікі не пабягуць на міжнародных турнірах

• 5.07.2022, 17:01

Прынятая важная пастанова.

Міжнародная федэрацыя лыжных тыпаў спорту (FIS) прадоўжыла адхіленне расейскіх і беларускіх спартоўцаў ад спаборніцтваў да канца летняга сезона. Адпаведная пастанова была прынятая радай арганізацыі, а раней прадстаўнікі краін-агрэсараў былі дыскваліфікаваныя з 1 сакавіка пасля поўнамаштабнага ўварвання РФ ва Украіну.

Аб гэтым гаворыцца ў заяве афіцыйнага сайта FIS. Адзначаецца, што пытанне ўдзелу расейцаў і беларусаў у турнірах пад эгідай арганізацыі будзе зноў разгледжанае ўвосень.

«Цяперашняя палітыка, згодна з якой расейскія і беларускія спартоўцы не могуць удзельнічаць ні ў якіх спаборніцтвах FIS за межамі сваёй краіны, застанецца ў дзеянні цягам летняга сезона. Рада вернецца да гэтай тэмы восенню па меры развіцця сітуацыі ва Украіне», - заявілі ў федэрацыі.