Тэраабарона Харкава знішчыла вялікую колькасць жывой сілы ворага, не страціўшы ніводнага воіна

• 5.07.2022, 10:43

Праведзеныя паспяховыя аперацыі на двух напрамках.

На Харкаўскім напрамку байцы мясцовай тэраабароны правялі паспяховую спецаперацыю, знішчыўшы вялікую колькасць акупантаў.

Войскі РФ панеслі значныя страты ў жывой сіле і тэхніцы, паведаміў кіраўнік Харкаўскай абласной ваеннай адміністрацыі Алег Сінягубаў.

Ён выказаў падзяку 228-му батальёну 127-й брыгады тэраабароны Харкава.

"Правялі на Харкаўскім кірунку паспяховую аперацыю. Не страціўшы ні аднаго воіна, яны знішчылі вялікую колькасць жывой сілы ворага і яго браняванай тэхнікі", – расказаў кіраўнік АВА.

Таксама ён адзначыў, што ў абаронцаў Украіны ёсць поспехі на Ізюмскім напрамку.

"Знішчаны чарговы расейскі склад з боепрыпасамі. Верым ва УСУ, яны кожны дзень набліжаюць нашу перамогу!" – адзначыў ён.