УСУ знішчылі на Данбасе адзін з галоўных вайсковых складоў РФ
- 5.07.2022, 7:34
Фота і відэа дакладных удараў.
У ноч на аўторак, 5 ліпеня, украінскія вайскоўцы знішчылі расейскі вайсковы склад у тыле – у горадзе Кадзіеўка Луганскай вобласці.
Кадры з месца публікуе Telegram-канал DeepState.
"Прылёт" адбыўся прыкладна праз 30 хвілінаў пасля паўночы. Пасля выбуху пачалася маштабная дэтанацыя варожых боепрыпасаў, якая доўжылася некалькі гадзінаў.
Патраплянне па ваенным складзе ў Кадзіеўцы пацвердзілі крыніцы "24 каналы". Яны ўдакладнілі, што склад быў размешчаны ў Кадзіеўцы ў раёне ЖБВ (раней горад называўся Стаханаў). Ён быў адным з асноўных у пастаўцы снарадаў у напрамку Папасная – Севераданецк – Лісічанск – Бахмут. Страты расейцаў высвятляюцца.