УСУ яшчэ ўтрымліваюць невялікую частку Луганскай вобласці

• 4.07.2022, 11:45

Украінскія байцы паспелі ўстанавіць ахоўныя рэдуты.

Невялікая частка Луганскай вобласці застаецца пад украінскім кантролем для таго, каб УСУ паспелі пабудаваць ахоўныя рэдуты.

Пра гэта ў эфіры тэлемарафону паведаміў кіраўнік Луганскай АА Сяргей Гайдай.

Што да тэрыторый, якія абаранялі ўкраінскія сілы, то інфраструктуру расейскія акупанты разбурылі на 90%. Аднаўленню не падлягаюць 60% дамоў.

Са слоў Гайдая, захопнікі не адновяць вода-і газазабеспячэнне, забяспечыць гарады электраэнергіяй яны могуць толькі часткова.