Беларускае грамадскае харчаванне не аднавілася пасля падзення

• 4.07.2022, 11:02

Даход галіны так і не вярнуўся да дакрызіснага ўзроўню.

У Беларусі ковід і палітычны крызіс моцна ўдарыў па сектары грамадскага харчавання. Даход галіны так і не вярнуўся да дакрызіснага ўзроўню.

Імклівы рост грамадскага харчавання ў Мннску назіраўся ў перыяд 2017—2019 гадоў. Ковід, а пасля палітычны крызіс спынілі рост галіны.

З 2021 года зноў пазначылася дадатная дынаміка. Аднак варта ўлічваць, што гэта быў рост у параўнанні з няўдалым 2020 годам. У натуральным аб'ёме даход менскіх рэстарацый да ўзроўню папярэдніх гадоў так і не вярнуўся, сведчаць звесткі NAI Global.

Амаль палова рынку краіны сканцэнтравана ў Менску: тут знаходзіцца больш за 3,6 тысяч аб'ектаў харчавання.

Найбольш прадстаўленыя на рынку Менска наступныя пункты харчавання: кавярні і міні-кавярні (амаль 1150); шынкі, бары і падобныя да іх фарматам установы (звыш 840); агульнадаступныя сталоўкі (каля 560). Рэстарацый налічваецца 171, з іх 12 маюць катэгорыю "люкс".