«Беларуськалій» раззлаваў расейскія кампаніі

• 4.07.2022, 7:33

Прадпрыемства моцна дэмпінгуе.

“Беларуськалій”, які трапіў у пачатку года пад санкцыі, пачаў адгрузкі праз Расею, ускладніўшы жыццё расейскім кампаніям, піша "КоммерсантЪ".

Кампанія ўклала дамову на перакідванне 2 млн тон калію з пецярбуржскім аператарам ТАА "Кістоўн Лоджыстыкс". Пастаўкі ідуць праз два тэрміналы, якія размешчаныя ў Вялікім порце Санкт-Пецярбурга, а таксама праз Рыбны порт ва Уладзівастоку. Акрамя таго беларуская кампанія адгружаюць у Кітай угнаенні ў кантэйнерах па расейскай чыгунцы.

Як распавялі выданню ўдзельнікі рынку, кампанія агрэсіўна дэмпінгуе, што негатыўна адбіваецца на даходах канкурэнтаў. Паводле ацэнак экспэртаў, зніжкі беларускага вытворцы могуць дасягаць 50%.