Новую Баравую, Уручча і Зялёны луг у Менску затапіла

• 3.07.2022, 21:10

Стыхія ў сталіцы разгулялася не на жарт.

А сіноптыкі папярэджвалі. Учора, калі ўсё знемагалі ад спякоты і хаваліся ў халадку, метэаролагі пісалі, што ўжо 3 ліпеня нас чакае сапраўдны шал стыхіі. Узровень небяспекі - аранжавы. Усё праз тэмпературу і навальніцы. Спраўдзілася: тэмпературу мы ўжо ацанілі, надышоў час дажджу, грому і маланак. Прычым, мяркуючы з усяго, надвор'е наважыла даць чаду і адарваць усё, што дрэнна трымаецца, піша onliner.by.

«Месцам моцныя залевы, шквалістае ўзмацненне ветру парываннямі да 15-20 м/с», - гэта нам практычна гарантавалі. І вось, пачалося. Адным з першых здалося рыштаванне на доме ў «Новай Баравой».

Але гэта, здаецца, толькі пачатак. Так выглядае адна з вуліц усё ў той жа «Новай Баравой». Або Вэнэцыі - тут ужо можна паспрачацца. «Вуліцу Авіяцыйную заліло, не выехаць ні ў адзін бок».

А вось яшчэ адно відэа адтуль жа. Сапраўднае мора Герадота.

"Мінсктранс" таксама паведамляе аб часовым спыненні руху грамадскага транспарту дзеля падтаплення на наступных вуліцах: Каліноўскага, Кнорына, Карбышава, Сядых, Кедышкі, Усіхсвяцкай.

Чытачы пацвярджаюць словы транспартнікаў. Вось так, напрыклад, зараз выглядае скрыжаванне Каліноўскага - Кедышкі.

"Сядых, 16 часова затапіла, так што лепш шукайце аб'езд", — раіць мянчук і дадае фоткі, на якіх відаць, як аўтамабілісты змагаюцца за сухазем’е.

Зялёны Луг пасля такога палівання будзе яшчэ зелянейшым. Больш за ўсё дасталася вуліцам Сядых і Кальцова.

А гэта адзін з двароў на вуліцы Шырокай. Няйначай як прыхаваная горная рака працякае.

Наступствы залевы каля ГЦ Expobel. Скрыжаванне Мірашнічэнкі ды МКАД.

«Лагойскі тракт стаіць. Трамваі стаяць, аўтобусы стаяць, ДАІ перанакіроўвае транспарт праз Шырокую ў аб'езд. Вада прыбывае праз каналізацыю», - каардынуе на месцы чытач.